സിബി മലയിൽ സംവിധാനം ചെയ്ത, സേതുമാധവന്റെയും അച്യുതൻ നായരുടെയും ദുരന്തകഥ പറഞ്ഞ മലയാള സിനിമാ ചരിത്രത്തിലെ എക്കാലത്തെയും മികച്ച ചിത്രങ്ങളിലൊന്നായ "കിരീടം" 2026 ജൂലൈ 10ന് 4K ഡോൾബി അറ്റ്മോസ് പതിപ്പിൽ വീണ്ടും തിയേറ്ററുകളിലെത്തുന്നു. ഒറിജിനൽ ക്യാമറ നെഗറ്റീവുകൾ കാലപ്പഴക്കത്താൽ നശിച്ചുപോയ സാഹചര്യത്തിൽ, അവശേഷിച്ച 35mm പ്രിന്റിൽ നിന്നാണ് എൻഎഫ്ഡിസി-എൻഎഫ്എഐ ചിത്രം സൂക്ഷ്മമായി പുനരുദ്ധരിച്ചത്.
പുനരുദ്ധാരണ സംരംഭമായ മാറ്റിനി നൗവിന്റെ നേതൃത്വത്തിലാണ് ഈ തിരിച്ചുവരവ്. മോഹൻലാൽ അവതരിപ്പിച്ച സേതുമാധവൻ എന്ന കഥാപാത്രം പുതിയ തലമുറ പ്രേക്ഷകർക്ക് വലിയ തിരശ്ശീലയിൽ വീണ്ടും അനുഭവിക്കാൻ അവസരമൊരുങ്ങുകയാണ്.
(അവലംബം: Kerala Kaumudi)